منتديات مطبخ سمسمتى

منتديات مطبخ سمسمتى (http://www.smsmty.com/index.php)
-   حلويات شرقية (http://www.smsmty.com/forumdisplay.php?f=92)
-   -   فطيرة بالكريمة والمكسرات ... من مطبخ فسدقة العفريتة (http://www.smsmty.com/showthread.php?t=6844)

فسدقة العفريتة 03-15-2012 08:20 AM

فطيرة بالكريمة والمكسرات ... من مطبخ فسدقة العفريتة
 





سمسماتي حبيباتي يسعد صباحكم / مساكم

جبتلكوا النهاردة فطيرة جميلة أوي وسهلة وسريعة

إن شاء الله تنال الرضا والإعجاب

المقادير

لفة جلاش

كوب ونصف كريمة حشو اللي بنسميها القشطة الكدابة ودي عبارة

عن مهلبية متوسطة السمك وسكرها خفيف ومضاف لها ملعقتين

قشطة من وش لبن

ربع كوب سكر بودرة

1/2 كوب شربات متوسط السمك

1/2 كوب سمنة سايحة

مكسرات ( المتاح عندك)






الطريقة

ادهني صينية فرن متوسطة بالسمنة السايحة وابدأي بفرد ورق

الجلاش فيها بحيث إن الورق يكون خارج بره حروف الصينية داير

مايدور

شوفي الصور هتوضح




وادهني بالسمنة وكملي فرد الورق بنفس الطريقة وبين الورق

سمنة لغاية ماتوصلي لنص كمية الجلاش

افردي كريمة الحشو علي الجلاش ورشي ملعقتين سكر بوردة


كملي فرد الورق بنفس الطريقة فوق الكريمة ومتنسيش السمنة



بعد ماخلصتي ورق الجلاش ابدأي اطوي الحروف اللي بره الصينية

علي الورق نفسه جوه الصينية

وشوفي الصور هتوضح





بعد ماطويتي الورق خلاص صبي باقي السمنة السايحة علي

الحروف اللي طويتيها علشان دي مافيهاش سمنة خالص لو تاخدي

بالك



دخليها الفرن تحت بس لغاي ما الفطيرة يبقي لونها دهبي حلو

ابدأي بقي تفتحي الشواية من فوق علشان الوش يحمر



فسدقة العفريتة 03-15-2012 08:28 AM






هتسقي الفطيرة الساخنة بالشربات البارد بالملعقة لأني مش عايزاها

تكون غرقانة أو منغنغة

وتستني شوية لغاية ماتشربه وتقلبيها عالوش التاني بحيث يكون

القاع لأعلي








ترشي السكر البودرة علي قاع الفطيرة ماانت قلبتيها بقي خليكي

فاكرة




ترشي المكسرات الموجودة عندك سواء مجروشة أو مفرومة

ويستحسن طبعاً تكون مجروشة














الصورة دي لزوم التعذيب اللذيذ بجد









دي بعد التقطيع





يميييييييييييييييي










يارب تكون الوصفة عجبتكم وألقاكم في وصفة جديدة قريباً إن شاء

الله



smsmty 03-15-2012 10:07 AM

واو واو واو
تحفة وتهبل وتجنن
وعاوزة حتةومليش دعوة إتصرفى
-00--00--00-
هقلبلكم الدنيا
ومش قادرة أتكلم أكتر من كده
تسلم إيدك
يلا بقى

koki 03-15-2012 11:57 AM

واااااااااااااااااااااااااااااااو ايه الطعامه دي
تسلم اييييييييدك شكلها لذيذذذذذذذذذذذذذذذذذ اووووووووووووووي

ام رضوى 03-16-2012 12:21 AM




بسم الله مشاء الله تسلم ايدك جميله اوى
فى اقرب وقت ان أشاء الله اجربها
شكلها جميل جدا جدا تسلم ايداكى


زينب أم أحمد 03-16-2012 08:48 PM

روووووووووووعه وجنان
انتى عارفه انى جربتاه اول ما عرفتها منك
بس انا عملتها بكريمه الباستير
وما صبرتش عليها لما ارش السكر والمكسرات
اكلتها بسرعه ههههههههههههههههه
تسلم الايادى
ومنظره الوصفه الجديده

داليا 03-18-2012 08:01 AM

مشاء الله
تسلم الايادي يارب
شكلها يشهي يا شيري

jojo 03-18-2012 10:07 AM

تسلم الايادي ياقمر
علي الوصفه الجميله
ماما كانت علي طول بتعملها
وكانت بتطلع جامده
مشكوره يافسدقه

ام سماسم 03-18-2012 11:15 PM

تسلم ايدك
gjfxjgf

اتوته بطوطه 03-19-2012 09:59 PM

ايه الحاجات التحفه دى
يسلمووووووووووووووووووووو ايديكى يا ست الكل
شكلها روووووووووووعه وخصوصا بعد ما اتقطعت وشوفتها من جوه
حلووووووووووه اوى بجد
ادعيلى اقوم من اللى انا فيه
وانزل التطبيق بتاعها على طول
تسلم ايدك يا سكرتى






الساعة الآن 07:23 PM.

Powered by vBulletin® Copyright ©2000 - 2018, Jelsoft Enterprises Ltd. TranZ By Almuhajir